تیونس کی اعتدال پسند اسلامی جماعت کی رْکن ایک خاتون کو دارلحکومت تیونس سٹی کا میئر منتخب کر لیا گیا ہے۔

غیرملکی خبررساں ادارے کے مطابق یہ پہلا موقع ہے کہ تیونس میں کسی خاتون کو ایسا کوئی عہدہ ملا ہے۔ 54 سالہ سْعاد عبدالرحیم پیشے کے اعتبار سے فارمسسٹ ہیں۔ انہیں میونسپل کونسل میں ووٹنگ کے دوسرے راؤنڈ کے دوران منتخب کیا گیا۔

تیونس بھر میں النہضۃ پارٹی سے تعلق رکھنے والی قریب ایک درجن خواتین نے میئر بننے کے لیے انتخابات میں حصہ لیا تھا تاہم سعاد عبدالرحیم واحد خاتون ہیں جنہیں کامیابی حاصل ہوئی ہے۔