بنوں میں ایم ایم اے کے امیدوار پر بم حملے کا مقدمہ پی ٹی آئی رہنما کیخلاف درج

ایف آئی آر میں پی ٹی آئی کے امیدوار ملک شاہ محمد خان اور ان کے بھائی ملک گل باز خان نامزد

ویب ڈیسک July 08, 2018

ایف آئی آر میں پی ٹی آئی کے امیدوار ملک شاہ محمد خان اور ان کے بھائی ملک گل باز خان نامزد فوٹو:سوشل میڈیا

متحدہ مجلس عمل (ایم ایم اے) کے امیدوار پر بم حملے کا مقدمہ پی ٹی آئی کے امیدوار کے خلاف درج کرلیا گیا۔

پی کے 89 بنوں سے متحدہ مجلس عمل کے امیدوار ملک شیرین نے اپنی انتخابی ریلی پر ہونے والے بم حملے کا مقدمہ پی ٹی آئی کے خلاف درج کروا دیا ہے۔ ایف آئی آر میں پی ٹی آئی کے امیدوار ملک شاہ محمد خان اور ان کے بھائی ملک گل باز خان کو نامزد کیا گیا ہے۔ مقدمہ میں دہشت گردی سمیت دیگر دفعات شامل کی گئی ہیں۔ ملک شاہ محمد خان سابق صوبائی وزیر اور ان کے بھائی ملک گل باز خان ڈسٹرکٹ ممبر بھی ہیں۔

یہ بھی پڑھیں: بنوں میں ریموٹ کنٹرول بم حملہ، ایم ایم اے امیدوار زخمی

گزشتہ روز خیبر پختون خوا کے علاقے بنوں میں پی کے 89 سے ایم ایم اے کے امیدوار ملک شیرین کے قافلہ پر موٹر سائیکل میں نصب ریموٹ کنٹرول بم حملے میں ملک شیرین سمیت 8 افراد زخمی ہوگئے تھے۔