پی ٹی آئی کی تقریب میں عمران خان کے خلاف نعرے لگ گئے

تقریب میں اتنا زیادہ شور شرابا اور بدمزگی ہوئی کہ عمران خان کا بیٹھنا مشکل ہوگیا

ویب ڈیسک July 08, 2018

تقریب میں اتنا زیادہ شور شرابا اور بدمزگی ہوئی کہ عمران خان کا بیٹھنا مشکل ہوگیا فوٹو:فائل

کنونشن سینٹر میں پاکستان تحریک انصاف کی کارکنوں کی تقریب میں چیرمین عمران خان کے خلاف نعرے لگ گئے۔

پاکستان تحریک انصاف (پی ٹی آئی) کی جانب سے کنونشن سینٹر اسلام آباد میں گجر برادری کے لیے تقریب کا اہتمام کیا گیا جس میں چیرمین پی ٹی آئی عمران خان نے بھی شرکت کی۔ تاہم عمران خان کو اس وقت شدید پریشان کن صورتحال کا سامنا کرنا پڑا جب وہاں ان کے خلاف نامنظور اور نواز شریف زندہ باد کے نعرے لگ گئے۔

کنونشن سنٹر اسلام آباد میں شرکا کی عمران خان کے خلاف نعرے بازی ۔ عمران خان کا وہاں بیٹھنا مشکل ہو گیا ۔😆 @MaryamNSharif pic.twitter.com/GSWcxk68Bc
— Rabia Amjad (@Rabia_Amjad28) July 8, 2018

سنٹر میں اتنا زیادہ شور شرابا اور بدمزگی ہوئی کہ عمران خان کا بیٹھنا مشکل ہوگیا۔ اسد عمر تقریر بھی نہیں کرسکے جب کہ عمران خان بشمکل مختصر سے تقریر کرسکے۔ منتظمین نعرے لگانے والوں کو خاموش کروانے میں مصروف رہے۔ انتظامیہ نے ہنگامہ کرنے والوں کو ہال سے نکالا تو کچھ اور لوگ کھڑے ہوگئے ۔ انہوں نے اسٹیج کے سامنے گو عمران گو اور شیم شیم کے نعرے لگائے۔