ہمارے دور میں اربوں روپے کے ترقیاتی کام ہوئے فہمیدہ مرزا

عوام کو حقوق کی فراہمی تک جدوجہد جاری رہے گی،مختلف گوٹھوں میں کارنر میٹنگز سے خطاب۔ فوٹو: فائل

---

این اے 225 بدین سے پیپلزپارٹی کی امیدوار اور اسپیکر قومی اسمبلی ڈاکٹر فہمیدہ مرزا کا سابق صوبائی وزیر داخلہ ڈاکٹر ذوالفقار مرزا اور پی ایس58بدین کے امیدوار ڈاکٹر سکندر میندرو کے ہمراہ محلہ غریب آباد خاصخیلی، حاجی ہاشم گوٹھ ،گوٹھ یوسف سومرو کا دورہ کیا ۔

لوری شریف کے جلسہ عام میں درگاہ لوری شریف کے دونوں گروپوں کی جان سے پیپلز پارٹی کے قومی اورصوبائی اسمبلی کے امیدواروں کی مکمل حمایت کا اعلان۔ انتخابی جلسوں سے خطاب کرتے ہوئے ڈاکٹر فہمیدہ مرزا ڈاکٹر ذوالفقار مرزا اور ڈاکٹر سکندر میندرونے کہا کہ ہمارے دور اقتدار میں اربوں روپے کی لاگت سے ترقیاتی اسکیمیں مکمل جبکہ اربوں روپے کی اسکیمیں جاری ہیں اور آئندہ یہ سلسلہ جاری رہے گا۔



عوام کو بنیادی حقوق کی فراہمی تک یہ جدوجہدجاری رہے گی۔ اس موقع پر خاصخیلی سومرا ملاح،ٹالپور،بھٹی، ببریو اور دیگر برادریوں نے بھی حمایت کا اعلان کیا۔