خاتون سے 20 تولے سونا اور رقم ہتھیانے والا عامل گرفتار

ملزم علاقے میں جن والے باباکے نام سے مشہورہے،قبضے سے 8تولے سونا برآمد۔ فوٹو: فائل

---

سعید آباد انویسٹی گیشن پولیس نے خواتین کو لوٹنے والے جعلی عامل کو گرفتار کرلیا۔

سعید آباد انویسٹی گیشن پولیس نے کارروائی کرتے ہوئے جعلی عامل گلزار احمد عرف جن والے بابا ولد امیر بخش کو گرفتارکرلیا،پولیس کے مطابق گرفتار ملزم نے7 جولائی کو نسیم اختر زوجہ نصیر احمد سے 20 تولہ سونا اور نقد رقم فراڈکرکے حاصل کی تھی جس کامقدمہ الزام نمبر18/2018 بجرم دفعہ 420/354 کے تحت درج کیا گیا۔

سعید آباد پولیس کے مطابق گرفتار ملزم سعید اباد اور اس سے ملحقہ علاقوں میں جن والا بابا کے نام سے مشہورہے جو خواتین سے دم درود کرنے کے بہانے طلائی زیورات اورنقدی لوٹ لیتاہے ،گرفتارملزم کے قبضے سے 8 تولہ سونا برآمدکیا گیا ہے اور مزید تفتیش جاری ہے۔