سونے کی قیمتوں میں اضافہ

صرافہ مارکیٹوں میں فی تولہ سونے کی قیمت 59 ہزار 200 اور دس گرام 50 ہزار754روپے ہوگئی۔ فوٹو: فائل

---

فی اونس سونے کی قیمت3 ڈالرکے اضافے سے 1251ڈالرکی سطح پرپہنچ گئی۔

بین الاقوامی بلین مارکیٹ میں فی اونس سونے کی قیمت3 ڈالرکے اضافے سے 1251ڈالرکی سطح پرپہنچنے کے باعث مقامی صرافہ مارکیٹوں میں بھی بدھ کو فی تولہ اور فی دس گرام سونے کی قیمتوں میں بالترتیب100اور86روپے کا اضافہ ہوگیا ہے جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت 59 ہزار 200 اور دس گرام 50 ہزار754روپے ہوگئی۔

اس کے برعکس چاندی کی تولہ قیمت 780اور دس گرام چاندی کی قیمت 668 روپے 72 پیسے پربرقراررہی۔