جعلی اکاؤنٹس کی بندش مودی کے ٹوئٹر فالوورز میں لاکھوں کی کمی

مودی کی مقبولیت میں اچانک کمی واقع ہوئی ہے، فوٹو: فائل

---

جعلی ٹوئٹر اکاؤنٹس کے لیے کریک ڈاؤن ہوتے ہی بھارتی وزیراعظم نریندر مودی کے اس پلیٹ فارم پر فالوورز کی تعداد میں لاکھوں کی کمی واقع ہوئی ہے۔

سوشل میڈیا پر بھارتی وزیر اعظم نریندر مودی کی مقبولیت میں اچانک کمی دیکھنے میں آرہی ہے اور ایسا ٹوئٹر کی جانب سے جعلی اکاؤنٹس کی بندش کے بعد ہوا ہے۔

یہ بھی پڑھیں: نریندرمودی ٹوئٹر پر مقبولیت میں شاہ رخ خان کے برابر آگئے

Prime Minister @NarendraModi’s handle, which is the top most-followed Twitter account in India, lost more than 2 lakh followers within a span of 24 hours. The drop was witnessed after the social networking site announced a global crackdown on fake & automated accounts on 11 July.

— Ankita (@Ankita_Mishra15) July 13, 2018

11 جولائی کو ٹوئٹر نے فیک اکاؤنٹس کے خلاف کارروائی کرنے کا اعلان کرتے ہوئے کہا تھا کہ کمپنی اس سوشل پلیٹ فارم پر مثبت بات چیت اور مواد کی تشہیر اور شیئرنگ کو یقینی بنانے کے لیے پرعزم ہے۔

اس فیصلے کے دو دن کے اندر نریندر مودی کے فالوورز کی تعداد میں قریبا پونے تین لاکھ یوزرز کی کمی واقع ہوئی، 11 جولائی کو بھارتی وزیر اعظم کے ٹوئٹر پر فالوورز کی تعداد 43.3 ملین تھی جو کم ہوکر 43.1 ہوگئی ہے۔

https://twitter.com/Twitter/status/1017077041865412609