پاکستان میری سانسوں میں بستاہے فلم اسٹارریما

فلم اسٹارریمانے کہاہے کہ پاکستان میری سانسوں میں بستاہے میں اپنے ملک کوخوشحال دیکھنا چاہتی ہوں ان خیالات کااظہارانھوں نے نمائندہ ایکسپریس سے بات چیت کے دوران کیاان کا کہنا تھا کہ میں امریکا سے صرف ووٹ ڈالنے پاکستان آئی ہوں اورچاہتی ہوں کہ معاشرے میں تبدیلی آئے۔

پاکستان کواس وقت باہمت اورنڈرحکمرانوں کی ضرورت ہے کہ جواس کی ترقی میں اپناکرداراداکرسکیں ماضی میں پاکستان میں عوام کے ووٹوں سے منتخب ہونے والے کرپٹ سیاست دانوں نے لوگوں کے ساتھ ٹھیک نہیں کیا۔ایک سوال کے جواب میں اداکارہ ریماکاکہنا تھا کہ میں امریکا میں اپنے ملک کوبہت یادکرتی ہوں اکثرمجھے اپنی مٹی کی خوشبومحسوس ہوتی ہے۔




وہاں مجھے اگریہ بھی معلوم چل جائے کہ کوئی ہواکاجھونکاپاکستان سے آیاہے تومیں احتراما کھڑی ہوجاتی ہوں اوراس کی خوشبوکومحسوس کرتی ہوں انھوں نے مزیدکہاکہ پاکستانی عوام کواپنی قسمت سنوارنے کے لیے 11مئی کوبہترفیصلہ کرناہوگا۔