عمران خان کے گرنے سے پی ٹی آئی کوفائدہ ہوگا سلیم صافی

کارکن پرامن رہیں، عمران اسماعیل ، ٹودی پوائنٹ میں میزبان شاہ زیب خانزادہ سے گفتگو. فوٹو : فائل

---

ٹی وی اینکر سلیم صافی نے کہا ہے کہ عمران خان کے گرنے کی وجہ سے تحریک انصاف کوکوئی نقصان نہیں ہوگا فائدہ ہوگا۔

ایکسپریس نیوز کے پروگرام ٹودی پوائنٹ میں میزبان شاہ زیب خانزادہ سے گفتگو میں انھوں نے کہاکہ بنیادی طورپرعمران خان ایک دلیرآدمی ہے چوٹ سے وقتی طورپر پریشانی تو ہوئی ہوگی لیکن ان کا عزم ویسے کا ویسے ہی ہوگا۔عمران خان کے ساتھ جو واقعہ پیش آیا ہے یہ دوسری جماعتوں کے لیے ایک سبق بھی ہے کہ وہ اپنے جلسوں جلوسوں میں احتیاطی تدابیر کو یقینی بنائیںتاکہ اس طرح کا کوئی سانحہ نہ ہوسکے۔



تحریک انصاف کے رہنما عمران اسمٰعیل نے کہاکہ عمران خان کے سرپرچوٹیں آئی ہیں ان کوٹانکے بھی لگے ہیں لیکن وہ ٹھیک ہیں۔کارکنوں سے اپیل ہے کہ وہ بھی صبرکا دامن ہاتھ سے نہ چھوڑیں اور پرامن رہیں۔ ایسے مواقع پردعا سب سے زیادہ اہم ہوتی ہے۔عمران خان کے جلسے میں ایمبولنس کی کوئی گاڑی نہیں تھی یہ جاننا چاہیے کہ کیا یہ اتفاق تھا یا کوئی سازش تھی۔