حیدرآباد کے قریب قومی شاہراہ پر بس حادثہ 17 باراتی جاں بحق

باراتیوں کی کوسٹر پنکچر ہونے کی وجہ سے سڑک پر کھڑی تھی کہ سامنے سے آنے والا ٹرالر کوسٹر سے ٹکرا گیا، پولیس۔ فوٹو: آئی این پی

---

SIALKOT: قومی شاہراہ پر بس کو ٹرالر کی ٹکر سے 17 باراتی جاں بحق جب کہ 13 زخمی ہوگئے۔

ایکسپریس نیوز کے مطابق حیدرآباد میں ہالہ کے قریب قومی شاہراہ پر باراتیوں کی بس المناک حادثہ کا شکار ہوگئی جس کے نتیجے میں 17 افراد جاں بحق اور 13 زخمی ہو گئے، جاں بحق ہونے والوں میں خواتین اور بچے بھی شامل ہیں تاہم لاشوں اور زخمیوں کو اسپتال منتقل کردیا گیا ہے۔

پولیس کے مطابق یہ المناک حادثہ ہالہ کے قریب پیش آیا جہاں پر سکرنڈ سے واپس آنے والی باراتیوں کی بس پنکچر ہونے کی وجہ سے سڑک کنارے کھڑی تھی کہ سامنے سے آنے والا ٹرالر کوسٹر سے ٹکرا گیا جس کے نتیجے میں 17 افراد موقع پر ہی جاں بحق ہوگئے، جاں بحق ہونے والوں میں ایک ہی خاندان کے 5 افراد بھی شامل ہے جب کہ اسپتال کے ذرائع کے مطابق 13 زخمیوں کی حالت تشویشناک بتائی جارہی ہے۔