بم دھماکے میں ملوث مبینہ ملزم زیرحراست

ملزم کی دکان کے گودام سے 2 بوریاں بال بیئرنگ کی برآمد ہوئی ہیں , ڈی ایس پی آرام باغ فوٹو: فائل

---

ISLAMABAD: پولیس نے فریسکو چوک بم دھماکے کی تفتیش کے سلسلے میں ایک ملزم کو حراست میں لے کر اس کے قبضے سے 2 بوریاں بال بیئرنگ برآمد کرلیں۔

ڈی ایس پی آرام باغ ضمیر عباسی نے بتایا کہ گاڑی کھاتہ میں سائیکل مرمت کی دکان پر چھاپہ مارا گیا اور ایک ملزم کو حراست میں لے لیا گیا،ملزم کی دکان کے گودام سے 2 بوریاں بال بیئرنگ کی برآمد ہوئی ہیں، ملزم نے گزشتہ 3 ماہ کے دوران 21 ٹن بال بیئرنگ فروخت کیے جن میں سے صرف 9 ٹن کا ریکارڈ اس نے پولیس کو دکھایا جبکہ بقیہ 12 ٹن کا وہ کوئی ریکارڈ پیش نہ کرسکا،جس پر ملزم کو حراست میں لیکر شامل تفتیش کرلیا گیا ہے۔