عمدہ پرفارمنس سے شائقین کے دل جیت لونگی سوناکشی

بالی وڈ اداکارہ سوناکشی سنہا نے کہا ہے کہ نئی فلم میں پرفارمنس سے شائقین کے دل جیت لوں گی۔

ادھر بھارتی ٹی وی اور فلم پروڈیوسراوربالے جی فلم کی منیجنگ ڈائریکٹر شوبھا کپور جوکہ آسانی سے کسی کی تعریف نہیں کرتیں لیکن جب انھوں نے فلم' لٹیرا'کی پہلی پروموشن ویڈیودیکھی تو بہت متاثر ہوئیں اور ادکارہ سوناکشی سنہا کی تعریف کیے بغیر نہ رہیں۔ ذرائع کا کہنا ہے کہ شوبھا کپور نے حقیقت میں محسوس کیا کہ اس میں سوناکشی نے واقعی بہت شاندار کام کیا۔




شوبھا کواس ویڈیو میں سوناکشی کی پرفارمنس اتنی اچھی لگی کہ اس نے آدھی رات کو اسے فون کرنا چاہا تاکہ اسے مبارکباد دے لیکن جوں ہی وہ فون کی جانب بڑھی تو ان کی بیٹی ایکتا کپور جوکہ خود بھی ٹی وی اور فلم پروڈیوسر ہیں نے اپنی والدہ کو روکا کہ ابھی فون کا وقت نہیں کیونکہ رات کافی ہوچکی ہے شاید وہ سورہی ہوں گی لیکن جوں ہی صبح ہوئی شوبھا کپور نے سونا کشی کو فون کرکے اس کے کام کی تعریف کی اور کہا کہ اس ویڈیو میں انھوں نے وجنتی مالا کی یاد تازہ کردی۔