برسوں سے ہماری خرابیوں کی ذمہ دار دیوار کو آخری دھکا دینے کا لمحہ آگیا نوازشریف

ملک کی تقدیر بدلنے کا وقت آگیا ہے، نوازشریف - فوٹو: فائل

---

NEW DELHI: مسلم لیگ (ن) کے قائد نوازشریف نے اڈیالہ جیل سے جاری اپنے آڈیو پیغام میں کہا ہے کہ برسوں سے ہماری خرابیوں کی ذمہ دار دیوار کو آخری دھکا دینے کا وقت آگیا ہے۔

اڈیالہ جیل میں قید مسلم لیگ (ن) کی رہنما مریم نواز کے اکاؤنٹ سے نوازشریف کا آڈیو پیغام جاری کیا گیا جس میں مسلم لیگ (ن) کے قائد نے کہا کہ 25 جولائی کا تاریخی دن آن پہنچا ہے اور میں جیل اور اس قید میں بھی آپ کا جوش و خروش اور آپ کا ولولہ دیکھ رہا ہوں، ہر طرف ووٹ کو عزت دو کے نعرے بھی سن رہا ہوں جب کہ میں آپ سے یہ کہنا چاہتا ہوں کہ برسوں سے ہماری خرابیوں کی ذمہ دار دیوار کو آخری دھکا دینے کا لمحہ آگیا ہے۔

نوازشریف کا کہنا تھا کہ میرے آزاد وطن کے غلام بنادیے جانے والے لوگوں، اب بدل ڈالو یہ سب کچھ، میں اور مریم نواز آج اس لیے جیل میں ہیں کیوں کہ ہم نے آپ کی عزت کے لیے یہ تحریک اٹھائی، اب وقت آگیا ہے آپ اس تحریک کو کامیاب بنائیں، ایسا تاریخی فیصلہ سنائیں جو ان تمام فیصلوں کو بہالے جائے جنہوں نے پاکستان کو انصاف کا قبرستان بنادیا ہے۔

قائد مسلم لیگ ن محمد نوازشریف کا الیکشن سے قبل قوم کے نام پیغام۔
25 جولائی کو اپنے حقوق کی آزادی اور ووٹ کی عزت کے لئے اٹھ کھڑے ہو، گھروں سے نکلو اور شیر پر مہر لگاؤ۔#PMLN 🐅#VoteKoIzzatDo #ووٹ_کو_عزت_دو pic.twitter.com/FREu2R6mFs

— Maryam Nawaz Sharif (@MaryamNSharif) July 23, 2018

مسلم لیگ (ن) کے تاحیات قائد نے کہا کہ اپنی عزت اور ووٹ کی حرمت کے لیے 25 جولائی کو نماز فجر کے بعد گھروں سے نکلوں اور ملک کی تقدیر بدل ڈالو، یہ ایک سنہری موقع ہے جو اللہ کی طرف سے آپ کو مل رہا ہے اور اس موقع سے ہر قیمت پر پاکستان کی تقدیر آپ لوگوں کو بدلنی ہے۔