یونان کے جنگلات میں خوفناک آتشزدگی سے 74 افراد ہلاک سیکڑوں زخمی
دارالحکومت ایتھنز کے مضافات میں واقع جنگلات میں آگ لگ گئی جس نے وسیع علاقے کو اپنی لپیٹ میں لے لیا
شہر کے اسپتال لاشوں و زخمیوں سے بھر گئے ہیں اور قیامت کا سماں ہے فوٹو:رائٹرز
یونان کے جنگلات میں خوفناک آتشزدگی سے 74 افراد ہلاک اور سیکڑوں زخمی ہوگئے۔
غیر ملکی خبر رساں ادارے کے مطابق یونان کے دارالحکومت ایتھنز کے نواحی علاقے میں واقع جنگلات میں آگ لگ گئی جس نے دیکھتے ہی دیکھتے وسیع علاقے کو اپنی لپیٹ میں لے لیا۔ آگ پھیلتے پھیلتے جنگل سے باہر رہائشی علاقے تک پہنچ گئی، اس کی شدت اتنی زیادہ تھی کہ متعدد لوگوں کو جان بچانے کا موقع ہی نہ مل سکا اور وہ اپنے گھروں میں ہی زندہ جل گئے جب کہ بہت سی ہلاکتیں دم گھٹنے سے بھی ہوئیں۔
اب تک آتشزدگی سے 74افراد کی ہلاکت کی تصدیق ہوگئی ہے جب کہ سیکڑوں افراد زخمی ہیں جن میں سے متعدد کی حالت تشویش ناک ہے۔ شہر کے اسپتال لاشوں اور زخمیوں سے بھر گئے ہیں اور قیامت کا سماں ہے۔ صرف ایک علاقے رافینا سے 26 لاشیں ملی ہیں۔ ہر آنکھ اشکبار ہے اور لوگ آگ میں لاپتہ ہونے والے اپنے پیاروں کی تلاش میں رو رہے ہیں۔ 100 سے زائد گھر اور عمارتیں جل کر مکمل طور پر خاکستر ہو چکے ہیں۔
متاثرہ علاقوں سے 700 سے زائد افراد کو محفوظ مقامات کی طرف منتقل کیا گیا ہے۔ سیکڑوں فائر ٹینڈرز کے علاوہ طیارے اور ہیلی کاپٹرز بھی آگ بجھانے میں مصروف ہیں۔ حکومت کے مطابق اب زیادہ تر علاقے میں آگ پر قابو پایا جا چکا ہے۔
غیر ملکی خبر رساں ادارے کے مطابق یونان کے دارالحکومت ایتھنز کے نواحی علاقے میں واقع جنگلات میں آگ لگ گئی جس نے دیکھتے ہی دیکھتے وسیع علاقے کو اپنی لپیٹ میں لے لیا۔ آگ پھیلتے پھیلتے جنگل سے باہر رہائشی علاقے تک پہنچ گئی، اس کی شدت اتنی زیادہ تھی کہ متعدد لوگوں کو جان بچانے کا موقع ہی نہ مل سکا اور وہ اپنے گھروں میں ہی زندہ جل گئے جب کہ بہت سی ہلاکتیں دم گھٹنے سے بھی ہوئیں۔
اب تک آتشزدگی سے 74افراد کی ہلاکت کی تصدیق ہوگئی ہے جب کہ سیکڑوں افراد زخمی ہیں جن میں سے متعدد کی حالت تشویش ناک ہے۔ شہر کے اسپتال لاشوں اور زخمیوں سے بھر گئے ہیں اور قیامت کا سماں ہے۔ صرف ایک علاقے رافینا سے 26 لاشیں ملی ہیں۔ ہر آنکھ اشکبار ہے اور لوگ آگ میں لاپتہ ہونے والے اپنے پیاروں کی تلاش میں رو رہے ہیں۔ 100 سے زائد گھر اور عمارتیں جل کر مکمل طور پر خاکستر ہو چکے ہیں۔
متاثرہ علاقوں سے 700 سے زائد افراد کو محفوظ مقامات کی طرف منتقل کیا گیا ہے۔ سیکڑوں فائر ٹینڈرز کے علاوہ طیارے اور ہیلی کاپٹرز بھی آگ بجھانے میں مصروف ہیں۔ حکومت کے مطابق اب زیادہ تر علاقے میں آگ پر قابو پایا جا چکا ہے۔