’’مولانا کی دعا‘‘ شیخ رشید کا آخری جلسہ 12 بجے کی ڈیڈ لائن کراس کر گیا

شیخ رشید نے مولانا کو دعا کرانے کا کہا لیکن اس دوران انتخابی مہم کا وقت ختم ہونے پر شیخ رشید پریشان دکھائی دیے۔ فوٹو: فائل

---

عوامی مسلم لیگ کے سربراہ شیخ رشید کا پیر کے روز انتخابی مہم کا آخری جلسہ رات 12 بجے کی ڈیڈ لائن کراس کر گیا اور دلچسپ صورتحال پیدا ہو گئی۔

شیخ رشید نے مولانا کو دعا کرانے کا کہا لیکن مولانا نے تمہید باندھی اور اس دوران انتخابی مہم کا وقت ختم ہونے پر شیخ رشید پریشان دکھائی دیے، انھوں نے مولانا سے کہا کہ تقریر نہ کریں بس دعا کرائیں لیکن مولانا نے اپنی تمہید جاری رکھی جس پر شیخ رشید نے ایک بارپھر ان کو ٹوک دیاکہ ''مولانا وقت ختم ہو گیا ہے، صرف دعا ہی کرائیں''۔