جرمن سفیر کا پاکستانی انداز دانت چمکانے کے لیے مسواک کا استعمال وڈیو وائرل

جرمن سفیر نے حال ہی میں اسلام آباد کی مارگلہ پہاڑیوں کی سیرکی اور وہاں کے مختلف مناظر اور تجربات کو ٹوئٹر پر شیئر کیا۔ فوٹو: سوشل میڈیا

---

THE HAGUE:

پاکستان میں تعینات جرمن سفیر مارٹن کوبلر نے دیسی انداز اپناتے ہوئے مسواک سے دانت صاف کرنے کی ایک تصویر ٹوئٹر پر پوسٹ کی ہے۔

پاکستان میں تعینات جرمن سفیر مارٹن کوبلر پاکستانی ثقافت سے بے حد متاثر ہیں اور ہر دفعہ ہی پاکستان کے طور طریقے اپناتے ہوئے نظر آتے ہیں۔ اس مرتبہ انہوں نے مسواک کا استعمال کیا اور سب کی توجہ اپنی جانب مبذول کرا لی۔

جرمن سفیر نے حال ہی میں اسلام آباد کی مارگلہ پہاڑیوں کی سیرکی اور وہاں کے مختلف مناظر اور تجربات کو ٹوئٹر پر شیئر کیا۔ پہاڑی علاقے میں جب انہیں دانت صاف کرنے کی ضرورت پیش آئی تو انہوں نے دیسی انداز اپنایا اور مسواک سے دانت صاف کرتے ہوئے ایک تصویر ٹوئٹر پر پوسٹ کی اور ساتھ میں لکھا پہاڑوں کے درمیان بغیر پانی کے دانت کیسے صاف کیے جاتے ہیں۔