عام انتخابات میں ہونے والی مبینہ انتخابی دھاندلیوں کے خلاف تحریک انصاف کی جانب سے دوسرے روز بھی جاری ہے۔
لاہور میں قومی اسمبلی کے حلقہ این اے 125 پر مسلم لیگ (ن) کی جانب سے ہونے والی انتخابی مبینہ انتخابی دھاندلیوں کے خلاف ڈیفنس میں غازی روڈ پر تحریک انصاف کے کارکنوں کی بڑی تعداد دھرنے میں موجود ہے جس میں خواتین، بچے اور بوڑھے بھی شامل ہیں ، مظاہرین نے اپنے ہاتھوں میں تحریک انصاف کے پرچم، اور پلے کارڈز بھی اٹھا رکھے ہیں جن میں مسلم لیگ (ن) کے خلاف نعرے اور حلقے میں دوبارہ انتخاب کے مطالبے درج ہیں۔ ان کا کہنا ہے کہ الیکشن کمیشن کی جانب سے اس حلقے پر دوبارہ انتخاب کے اعلان تک دھرنا جاری رہے گا۔
واضح رہے کہ این اے 125 پر مسلم لیگ (ن) کے خواجہ سعد رفیق نے انتہائی سخت مقابلے کے بعد تحریک انصاف کے حامد خان کو شکست دی تھی جبکہ پولنگ کے دوران بھی تحریک انساف نے ان پر دھاندلی کا الزام لگایا تھا جس پر رینجرز نے انہیں پولنگ اسٹیشن سے باہر نکال دیا تھا۔