سندھ حکومت نے صوبے بھر میں دفعہ 144 نافذ کرتے ہوئے جلسے،جلوسوں اور ریلیوں پر پابندی عائد کردی ہے۔
محکمہ داخلہ سندھ کی جانب سے جاری کردہ نوٹی فکیشن کے مطابق امن و امان کی موجودہ صورت حال کے پیش نظر کراچی سمیت پورے صوبے میں دفعہ 144 نافذ کردی گئی، جس کے تحت کسی بھی سیاسی ، مذہبی یا سماجی تنظیم پر جلسے، جلوس کرنے کی پابندی ہوگی جبکہ کسی بھی عوامی مقام پر 4 سے زائد افراد بھی جمع نہیں ہوسکیں گے۔
واضح رہے کہ کراچی سمیت سندھ بھر میں امن و امان کی مخدوش صورت حال اور مختلف جماعتوں کی جانب سے انتخابات میں ہونے والی مبینہ دھاندلیوں کے خلاف احتجاج کے بعد دفعہ 144 نافذ کی گئی ہے۔