امریکی سفیر رچرڈ اولسن کی نواز شریف سے ملاقات کامیابی پر مبارکباد

ملاقات میں دونوں ممالک کی باہمی دلچسپی کے امور اور دو طرفہ تعلقات پر بھی غور کیا گیا۔ فوٹو ایکسپریس نیوز

---

پاکستان میں امریکی سفیر رچرڈ اولسن نے مسلم لیگ (ن) کے قائد نواز شریف سے ملاقات کرکے انہیں انتخابات میں کامیابی پر مبارکباد پیش کی۔

رائے ونڈ میں پاکستان میں امریکی سفیر رچرڈ اولسن نے نواز شریف سے ملاقات کی، امریکی سفیر نے نواز شریف کو الیکشن میں کامیابی پر مبارکباد دی اور نیک خواہشات کا اظہار کیا، ملاقات میں دونوں ممالک کی باہمی دلچسپی کے امور اور دو طرفہ تعلقات پر بھی غور کیا گیا۔

ملاقات میں لاہور میں متعین امریکی قونصلیٹ جنرل نینا ماریہ فائٹ سمیت دیگر شخصیات موجود تھیں جبکہ مسلم لیگ (ن) کی جانب سے شہباز شریف، اسحاق ڈار اور سلیمان شہباز شریف بھی ملاقات میں شریک تھے۔