پرویز خٹک نے انتخابی مہم کے دوران مخالف جماعت کے ووٹرز کے خلاف نازیبا زبان استعمال کی تھی فوٹو: فائل
چیف الیکشن کمشنر سردار رضاکی سربراہی میں 4 رکنی بنچ نے انتخابی مہم کےدوران پرویزخٹک کی غیر اخلاقی زبان استعمال کرنے کے معاملے کی سماعت کی۔ پرویزخٹک کی جانب سے ان کے وکیل بشیرمہمند پیش ہوئے۔
سماعت کے دوران بشیرمہمند نے موقف اختیارکیا کہ پرویز خٹک نے جو کہا وہ غیراختیاری تھا، اپنے موکل کی جانب سے ادا کئے گئے الفاظ پرشرمندہ ہوں اورغیرمشروط معافی مانگتا ہوں۔
الیکشن کمیشن نے ریمارکس دیئے کہ اگر پرویز خٹک نے نازیبا گفتگو پر افسوس کا اظہار کیا تو اس کا ویڈیو ثبوت پیش کیا جائے، الیکشن کمیشن نے کیس کی سماعت 9 اگست تک ملتوی کردی۔
واضح رہے کہ پرویز خٹک نے انتخابی مہم کے دوران مخالف جماعت کے ووٹرز کے خلاف نازیبا زبان استعمال کی تھی، الیکشن کمیشن نےپرویزخٹک کے ناشائستہ کلمات کا نوٹس لیا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔