ٹریفک حادثات و زہریلی چیز کھانے سے4افراد ہلاک

شہر کے مختلف علاقوں میں ٹریفک حادثات و دیگر واقعات میں4افراد ہلاک ہوگئے، بلدیہ ٹاؤن میں نوجوان نے خود کو سینے میں گولی مار کر شدید زخمی کرلیا، تفصیلات کے مطابق گلشن اقبال تھانے کی حدود گلشن اقبال موتی محل موبائل مارکیٹ کے قریب تیز رفتار ڈمپر کی ٹکر سے11سالہ حذیفہ ولد خورشید جاں بحق اور اس کا باپ خورشید شدید زخمی ہوگیا،


ہلاک و زخمی کو جناح اسپتال لایا گیا، پولیس کے مطابق متوفی حذیفہ گلبہارکی رہائشی تھی، گلستان جوہر تھانے کی حدود بلاک13میں زہریلی چیز کھانے سے40سالہ شخص ہلاک ہوگیا، چھیپا ویلفیئر کے مطابق ہلاک ہونے والے شخص کی شناخت نہیں ہوسکی ہے، زمان ٹاؤن تھانے کی حدود کورنگی ضیا کالونی مدینہ بازار کے قریب نامعلوم گاڑی کی ٹکر سے30 سالہ عدنان ولد محب الرحمان ہلاک ہوگیا جس کی لاش جناح اسپتال لائی گئی، متوفی ضیا کالونی کا رہائشی تھا۔