سچے دل سے کہتی ہوں سعد رفیق نے بہترین کام کیا نگراں وزیر ریلوے

چیئرمین سینٹ نے بھی دو بار ریل کاسفر کیا اورتوقع سے زیادہ بہتری کااعتراف کیا، روشن خورشید۔ فوٹو : فائل

---

نگراں وزیر ریلوے روشن خورشید بروچہ نے سابق وزیر ریلوے سعدرفیق کی کارکردگی کوسراہتے ہوئے کہا ہے کہ سچے دل سے کہتی ہوں کہ سعد رفیق نے ریلوے میں بہترین کام کیا۔

راولپنڈی ریلوے اسٹیشن کے دورہ کے موقع پرصحافیوں سے گفتگوکرتے ہوئے روشن خورشید بروچہ کا کہناتھاکہ ٹرین کے ذریعے پشاور سے کراچی تک سفرکیا،تقریباً ہراسٹیشن کی حالت بہترین ہے،بوگیوں کوبھی بہت اچھا بنایا گیا، چیئرمین سینٹ نے بھی دو بار ریل کاسفر کیا اورتوقع سے زیادہ بہتری کااعتراف کیا۔

نگراں وزیر ریلوے نے کہا ہے کہ سعد رفیق کے دورکے اچھے کام روکنے نہیں چاہیئں، ابھی بھی کافی چیزوں کو ٹھیک کرنے کی ضرورت ہے،سی پیک سے منسلک ایم ایل ون پرکام کرنا ضروری ہے جس کیلیے ٹیم ورک کے طور پرمحنت کرنا ہوگی۔