کراچی رینجرز اور پولیس کی مختلف علاقوں میں کارروائی 20 ملزمان گرفتار

کورنگی ، لانڈھی اور شاہ فیصل کالونی میں کارروائی کے دوران 9 ملزمان کوگرفتار کرلیا گیا جس میں ایک ٹارگٹ کلر بھی شامل ہے،پولیس فوٹو : فائل

---

رینجرز اور پولیس نے شہر کے مختلف مقامات پر کارروائی کے دوران 20 ملزمان کو گرفتار کرکے بڑی تعداد میں اسلحہ برآمد کرلیا

ترجمان رینجرز سندھ کے مطابق نیو کراچی ، گڈاپ سٹی ،اورنگی ٹاؤن اور بنارس کالونی کے مختلف علاقوں میں کارروائی کے دوران 11 ملزمان کو حراست میں لے لیا گیا، گرفتان ملزمان کے قبضے سے مختلف اقسام کے ہتھیار اور دیگر سامان بھی برآمد ہوا ہے۔

دوسری جانب ترجمان پولیس کا کہنا ہے کہ کورنگی ، لانڈھی اور شاہ فیصل کالونی میں کارروائی کے دوران 9 ملزمان کوگرفتار کرلیا گیا جس میں ایک ٹارگٹ کلر بھی شامل ہے، ملزمان کے قبضے سے اسلحہ بھی برآمد ہوا۔