فلم یہ جوانی ہے دیوانی میں مادھوری كا ’’بوسہ‘‘ لینے کیلئے ہدایتکار كو رشوت دی تھی رنبيركپور

مادھوری ڈکشٹ میری پہلی محبت تھیں اور جب مادھوری كی شادی ہوئی تو ميرا دل ٹوٹ گيا تھا۔ رنبیرکپور، فوٹو:پبلسٹی

---

بالی وڈ اداکار رنبیر کپور نے انکشاف کیا ہے کہ وہ مادھوری ڈکشٹ سے اس قدر محبت کرتے ہیں کہ فلم "یہ جوانی ہے دیوانی" کے آئٹم نمبر کی شوٹنگ کے دوران فلم کے ڈائریکٹرایان مکرجی کو مادھوری ڈکشٹ کا بوسہ لینے کے لئے رشوت دی تھی۔

فلم کی پروموشن مہم کے دوران ميڈیا سے بات کرتے ہوئے رنبیر کپور نے کہا کہ مادھوری ڈکشٹ ان کی پہلی محبت تھیں اور جب مادھوری كی شادی ہوئی تو ميرا دل ٹوٹ گيا تھا۔ انہوں نے کہا کہ جب انہیں مادھوری ڈکشٹ کے ساتھ آئٹم نمبر کی شوٹنگ کا موقع ملا تو وہ بہت خوش ہوئے اور مادھوری کا بوسہ لینے کا سین شامل کرنے کے لئے ڈائریکٹر کو رشوت دی۔ رنبیر نے مادھوری ڈکشٹ کی تعریف کرتے ہوئے کہا کہ وہ ایک مخلص اور اپنے کا م میں مہارت رکھنے والی اداکارہ ہیں، فلم میں ان کے ساتھ کام کرکے نہ صرف مزا آیا بلکہ ان سے بہت کچھ سیکھنے کا موقع بھی ملا۔