حسن اور حسین نواز کی گرفتاری کیلیے ریڈ وارنٹ کی منظوری

حسین اور حسین نواز کی گرفتاری کے لیے ایف آئی اے کو وزارت داخلہ کا تحریری ہدایت نامہ موصول

---

وزارت داخلہ نے سابق وزیراعظم نوازشریف کے صاحبزادے حسن اور حسین نواز کی گرفتاری کے لیے ریڈ وارنٹ کی منظوری دے دی۔

ایکسپریس نیوز کے مطابق وزارت داخلہ نے حسن نواز اور حسین نواز کے خلاف ریڈ وارنٹ کی منظوری دے دی، وزارت داخلہ نے ایف آئی اے کو حسن نواز اور حسین نواز کی گرفتاری کے لیے انٹرپول سے رابطہ کرنے کی ہدایت کی ہے اور اس حوالے سے ایف آئی اے کو تحریری ہدایت نامہ بھیجا گیا ہے جو انہیں موصول ہوگیا ہے۔

واضح رہے احتساب عدالت نے ایون فیلڈ ریفرنس میں مسلم لیگ (ن) کے تاحیات قائد نوازشریف کے صاحبزادوں حسن اور حسین نواز کو کو اشتہاری قرار دیتے ہوئے فوری طور پر گرفتار کرکے عدالت میں پیش کرنے کا حکم جاری کیا تھا جب کہ چیئرمین نیب نے بھی دونوں کو انٹرپول کے ذریعے گرفتار کرنے کی منظوری دی تھی۔