دس برس تک پرستاروں کو خوش رکھنا ہے پرینیتی چوپڑا

فلم'' عشق زادے'' میں خوب صورت پرفارمنس سے ایک اداکارہ کے طور پر اپنی شناخت قائم کرنیوالی پرینیتی چوپڑا نے کہا ہے کہ میرا کسی سے کوئی مقابلہ نہیں اور نہ ہی میں ایسی سوچ رکھتی ہوں' میرے سامنے سب سے بڑا چیلنج اپنے پرستاروں کو اگلے دس برس تک خوش رکھنا ہے۔


اپنے ایک انٹرویو میں پرینیتی نے کہا کہ ایک اداکارکے لیے سب سے زیادہ اہمیت اپنے پرستاروں کو خوش رکھنا ہوتا ہے امیتابھ بچن، شاہ رخ خان اور سلمان خان جیسے کچھ اداکار ہیں جو اپنے مداحوں کی توقعات پر ہمیشہ پورے اترے ہیں۔ میرے سامنے بھی سب سے بڑا چیلنج اپنے پرستاروں کو اگلے دس برس تک خوش رکھنا ہے۔ایک سوال کے جواب میں انھوں نے کہا کہ میں کسی فلم کے لیے نہیں بلکہ ویسے ہی اپنا وزن کم کرنے کی کوشش کررہی ہوں۔انھوں نے کہا کہ میرا کسی سے کوئی مقابلہ نہیں نہ ہی میں ایسی کوئی سوچ رکھتی ہوں۔ عالیہ بھٹ ہو، ارجن کپور ہو یا سدھارتھ ملہوترا، ہم سب آپس میں اچھے دوست ہیں۔