سونالی بیندرے نے ہمت اوربہادری کی مثال قائم کردی

اداکارہ سونالی بیندرے ان تمام لوگوں کےلیے مثال ہیں جو کینسر جیسےموذی مرض میں مبتلا ہیں فوٹو:فائل

---

ISLAMABAD: کینسر جیسے موذی مرض سے لڑرہی نامور بالی ووڈ اداکارہ سونالی بیندرے نے سوشل میڈیا پر اپنی نئی تصویر شیئر کی ہے جس میں وہ بالوں سے مکمل طور پر محروم نظر آرہی ہیں۔

کینسر جیسے موذی مرض میں مبتلا ہونے والی بالی ووڈ کی خوبرو اداکارہ سونالی بیندرے نےفرینڈ شپ ڈے موقع پراپنی دوستوں کے ساتھ انسٹاگرام پر تصویر شیئر کی ہے جس میں وہ مکمل طور پر بالوں سے محروم نظر آرہی ہیں تاہم سونالی اپنے خوبصورت بالوں کو کھونے پر غمزدہ نہیں بلکہ انتہائی خوش لگ رہی ہیں اور اس تصویر کے ذریعے انہوں نے پیغام دیا ہے کہ وہ اپنی بیماری کا بہادری سے مقابلہ کررہی ہیں اور ٹھیک ہونے کے لیے پُرعزم ہیں۔

اس خبرکوبھی پڑھیں: سونالی باندرے کینسر کے مرض میں مبتلا

پیغام میں سونالی نے لکھا''یہ میں ہوں، اور اس پل میں بہت خوش ہوں، لوگ مجھے عجیب نظروں سے دیکھ رہے ہیں، لیکن میں اپنی زندگی کے ہر لمحے کو جینا چاہتی ہوں۔ ہاں یہ لمحات درد اورکمزوری کے ہیں لیکن میں وہ کررہی ہوں جو مجھے پسند ہے، میں ان تمام لوگوں کے ساتھ وقت گزاررہی ہوں جن سے میں محبت کرتی ہوں۔

میں اس وقت اپنی دوستوں کے ساتھ ہوں، مجھے بہت اچھا لگ رہاہے، میری دوستیں میری طاقت ہیں۔ میری دوستوں نے بے تحاشہ مصروفیت کے باوجود وقت نکالا اور مجھ سے ملنے آئیں ان کا بہت شکریہ انہوں نے مجھے احساس دلایا کہ ہماری دوستی کتنی گہری ہے۔

سونالی نے مزید لکھا میں خوش قسمت ہوں کہ میری زندگی میں آپ سب موجوہیں (وہ خواتین جو اس تصویر میں ہیں اور وہ بھی جو تصویر میں موجود نہیں ہیں)۔ اس کے ساتھ ہی سونالی نے لکھا آج کل میں تیار ہونے میں بہت کم وقت لگاتی ہوں کیونکہ میرے بال نہیں ہیں۔''

[instagram-post url="https://www.instagram.com/p/BmFeJ02FPWj/"]

اداکارہ سونالی بیندرے ان تمام لوگوں کےلیے مثال ہیں جو کینسر جیسےموذی مرض میں مبتلا ہیں اوراپنی بیماری کے باعث مایوسی کا شکار ہوچکے ہیں۔

اس خبرکوبھی پڑھیں: سونالی کی غفلت کے باعث کینسر خطرناک شکل اختیار کرگیا

واضح رہے کہ سونالی بیندرے کو ہائی گریڈ کینسر کی تشخیص ہوئی ہے جس میں جسم کے عضلات صحیح طرح کام نہیں کرتے جب کہ یہ کینسر جسم میں عام کینسر کے مقابلے میں زیادہ تیزی سے پھیلتا ہے، سونالی ان دنوں علاج کی غرض سےامریکا موجود ہیں اور اپنی بیماری کا بہادری سے مقابلہ کررہی ہیں۔