COLOMBO:
بالی وڈ کے ابھرتے ہوئے ستارے رنبیر کپور کہتے ہیں کہ انہیں فلم میں سین کی ڈیمانڈ پر برہنہ ہونے میں کوئی قباحت نظر نہیں آتی۔
بھارتی میڈیا کو دیئے گئے اپنے ایک انٹرویو میں انہوں نے کہا کہ وہ ایک پیشہ ور اداکار ہیں اور اس بات کو سمجھتے ہیں کہ فلم کی ضرورت کے مطابق کسی بھی اداکار کے برہنہ ہونے میں کوئی حرج نہیں۔ اسی وجہ سے وہ کیمرے کے سامنے کوئی بھی حرکت کرنے میں عار محسوس نہیں کرتےتاکہ اس میں حقیقت کا رنگ بھرا جاسکے۔ اگر ہدایت کار انہیں مکمل برہنہ بھی دکھانا چاہتا ہے تو اس کے لئے بھی تیار ہیں۔
رنبیر کپور نے کہا کہ اپنی پہلی فلم ''سانوریاں'' میں انہوں نے ایک گیت کی عکسبندی کے دوران بڑی تعداد میں لوگوں کی موجودگی میں برہنہ ہونے کا سین عکسبند کرایا تھا اور اس میں انہیں کوئی شرم محسوس نہیں ہوئی، وہ سمجھتے ہیں کہ اُس سین نے بڑی تعداد میں لوگوں کو سینما کا رُخ کرنے پر مجبور کیا تھا۔