چین میں پھنسے پاکستانی 9 روز بعد وطن واپس پہنچ گئے

واپس آنے والے مسافروں میں 185 بڑے افراد جب کہ 29 بچے شامل ہیں فوٹو:فائل

---

شاہین ایئرلائن کا طیارہ چینی ایئرپورٹ گوانگزو میں پھنسے 214 پاکستانی مسافروں کو لے کر لاہور پہنچ گیا ہے۔

ایکسپریس نیوز کےمطابق سول ایوی ایشن کی جانب سے شاہین ایئرلائن کی غیر ملکی پروازوں پر پابندی لگانے کے باعث چینی شہر گوانگزو میں شاہین ایئرلائن کی پرواز 29 جولائی کو اڑان نہیں بھر سکی تھی جس کے باعث 260 پاکستانی مسافر ایئرپورٹ پر ہی پھنس گئے تھے۔ چیف جسٹس میاں ثاقب نثار اور حکومت پاکستان کی مداخلت کے بعد اب شاہین ایئرلائن کی پرواز این ایل 892 گونگزو سے 214 مسافروں کو لے کر لاہور پہنچ گئی ہے۔

یہ بھی پڑھیں: 300 سے زائد پاکستانی مسافر چین کے کینٹن ایئرپورٹ پر محصور

سفارتی ذرائع کے مطابق واپس آنے والے مسافروں میں 185 بڑے افراد جب کہ 29 بچے شامل ہیں۔ شیڈول کے مطابق پرواز کو چین میں پھنسے پاکستانیوں کو لے کر شام 6 بجے لاہور پہنچنا تھا لیکن یہ وقت سے پہلے ہی ساڑھے چار بجے علامہ اقبال ائرپورٹ پر اتر گئی۔