عراق کے مختلف شہروں میں بم دھماکے 49 افراد ہلاک 80 سے زائد زخمی

۔بعقوبہ میں مسجد کے باہر اورجنوبی بغداد میں ایک جنازے میں بم دھماکے کئے گئے فوٹو: فائل

---

KARACHI: عراق کے مختلف شہروں میں بم دھماکوں کے نتیجے میں 49افراد ہلاک اور80 سے زائد زخمی ہوگئے۔

حکام کے مطابق پہلا دھماکا بعقوبہ شہر میں اس وقت ہوا جب لوگ نمازجمعہ کی ادائیگی کے بعد مسجد سے باہر نکل رہے تھے، لوگوں کی ایک بڑی تعداد جب جائے وقوعہ پرپہنچی تو اسی دوران دوسرا دھماکاہوگیا جس کے نتیجے میں 41افراد ہلاک اور57 زخمی ہوگئے۔ تیسرا دھماکا جنوبی بغداد کے علاقے میں جنازے میں کیا گیا جس میں 8 افراد ہلاک اور 25 زخمی ہو گئے۔ فوری طورپر دھماکوں کی ذمہ داری کسی گروپ نے قبول نہیں کی۔