افغانستان میں سڑک کنارے نصب بم دھماکے سے 8 افراد ہلاک

دھماکے میں 6 افراد زخمی بھی ہوئے، افغان میڈیا - فوٹو: سوشل میڈیا

---

افغانستان کے صوبے بلخ میں سڑک کنارے نصب بم دھماکے سے 8 افراد ہلاک اور 6 زخمی ہوگئے۔

افغان میڈیا کے مطابق صوبے بلخ میں ضلع شولگرہ میں سڑک کنارے نصب بم دھماکے سے 8 افراد ہلاک ہوگئے جب کہ دھماکے میں 6 افراد زخمی بھی ہوئے جنہیں فوری طور پر قریبی اسپتال منتقل کردیا گیا۔

صوبے بلخ کے پولیس چیف شرجان درانی نے کہا ہے کہ دھماکا اس وقت ہوا جب ایک کار سڑک کنارے نصب دھماکا خیز مواد سے ٹکرائی۔