تحریک انصاف نے پاکستان کرکٹ بورڈ کے چیئرمین نجم سیٹھی کیخلاف تحقیقات کیلیے قومی احتساب بیورو (نیب) کو خط لکھ دیا۔

تحریک انصاف کے رہنماجاوید بدرکی طرف سے نیب کو لکھے گئے خط میں نیب سے چیئرمین پی سی بی کیخلاف تحقیقات کامطالبہ کرتے ہوئے کہاگیاہے کہ چیئرمین پی سی بی نے پی ایس ایل میں بے پناہ کرپشن کی یہی وجہ ہے کہ وہ پی ایس ایل آڈٹ رپورٹ منظرعام پرنہیں آنے دے رہے۔

خط میں کہاگیا کہ نیب سے درخواست ہے کہ پی ایس ایل کا سارا فنانشل ریکارڈفوری قبضے میں لیاجائے۔ خط کے مطابق نیب اگر چیئرمین پی سی بی کیخلاف انکوائری کرے توبڑی کرپشن سامنے آئے گی۔