ڈپٹی اسپیکر سندھ اسمبلی کے لئے ریحانہ لغاری کو نامزد کیا گیا ہے۔ فوٹو:فائل
ایکسپریس نیوزکے مطابق بلاول ہاؤس کراچی میں چیئرمین پی پی پی کی زیرِصدارت پیپلزپارٹی سندھ کی پارلیمانی پارٹی کا اجلاس ہوا۔ بلاول بھٹو زرداری کی جانب سے مراد علی شاہ کو وزیراعلیٰ سندھ نامزد کیا گیا ہے جب کہ صوبائی اسمبلی کے اسپیکر کے لئے آغا سراج درانی اور ڈپٹی اسپیکر کے لئے ریحانہ لغاری کا نام دیا ہے۔ مراد علی شاہ 18 اگست کو وزیر اعلی سندھ کا حلف اٹھائیں گے۔
آغا سراج درانی تاحال اسپیکر سندھ اسمبلی ہیں اور ان کے پاس قائم مقام گورنر کا چارج بھی ہے۔ ضلع ٹھٹھہ سے تعلق رکھنے والی ریحانہ لغاری پیپلزپارٹی کی ٹکٹ پر خواتین کی مخصوص نشستوں پر منتخب ہوئی ہیں اور پیشے کے لحاظ سے وکیل ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔