امریکا نے کینیڈا کی گاڑیوں پر ٹیکس عائد کرنے کی دھمکی دے دی

امریکا کے صدر ڈونلڈ ٹرمپ نے کینیڈا پر دبائو ڈالا ہے کہ وہ امریکی درآمدات پر عائد محصولات پر نظرثانی کرے۔

خبر ایجنسی August 13, 2018

امریکا کے صدر ڈونلڈ ٹرمپ نے کینیڈا پر دبائو ڈالا ہے کہ وہ امریکی درآمدات پر عائد محصولات پر نظرثانی کرے۔ فوٹو : فائل

امریکا کے صدر ڈونلڈ ٹرمپ نے کینیڈا پر دبائو ڈالا ہے کہ وہ امریکی درآمدات پر عائد محصولات پر نظرثانی کرے اور ایسا نہ کرنے کی صورت میں انہوں نے گاڑیوں پر اضافی محصول عائد کرنے کی دھمکی دی ہے۔

جاپانی نشریاتی ادارے کے مطابق امریکا، کینیڈا اور میکسیکو کے مابین، شمالی امریکا آزاد تجارت معاہدے نافٹا کے لیے مذاکرات جاری ہیں اور شرکا اگست کے آخر تک ایک بنیادی اتفاق رائے کے حصول کے متمنی ہیں۔

ٹرمپ نے اپنے ایک ٹویٹر پیغام میں کہا کہ میکسیکو کے ساتھ مذاکرات بخوبی انجام پا رہے ہیں تاہم کینیڈا کے محصولات اور تجارتی رکاوٹیں بہت زیادہ ہیں اور کسی اتفاق رائے کے عدم حصول کی صورت میں امریکا گاڑیوں پر ٹیکس عائد کریگا۔