ثمینہ بیگ ماؤنٹ ایورسٹ سر کرنے والی پہلی پاکستانی خاتون کوہ پیما بن گئیں

ماؤنٹ ایورسٹ سر کرنے والی ثمینہ بیگ کا تعلق گلگت کے گاؤں شمشال سے ہے۔ فوٹو: ایکسپریس ٹریبیون

---

ثمینہ بیگ دنیا کا سب سے بلند پہاڑ ماؤنٹ ایورسٹ سر کرنے والی پہلی پاکستانی خاتون کوہ پیما بن گئیں ہیں۔

ایکسپریس نیوز کے مطابق ماؤنٹ ایورسٹ سر کرنے والی ثمینہ بیگ کا تعلق گلگت کے گاؤں شمشال سے ہے۔ 8ہزار 848 میٹر بلند دنیا کے اس بلند ترین پہاڑ کی چوٹی کو سر کرنے والی ٹیم میں ان کے بھائی مرزا علی بھی شامل تھے جو اس پہاڑ کو سر کرنے والے پاکستانی کے تیسرے اور کم عمر ترین کوہ پیما بن گئے ہیں۔

واضح رہے کہ ماؤنٹ ایورسٹ سر کرنے والی ٹیم میں ثمینہ بیگ ہی خاتون کوہ پیما نہیں تھی بلکہ ان کے ہمراہ سعودی عرب ، قطر اور فلسطین سے تعلق رکھنے والی خواتین بھی شامل تھیں۔