امریکا کی سرینا ولیم نے روم اوپن کا ٹائٹل جیت لیا

سرینا ولیم نے وکٹوریا ازارنکا کو1-6 اور 3-6 کے اسکور سے شکست دے کر ٹائٹل اپنے نام کیا۔ فوٹو: فائل

---

عالمی نمبر ایک امریکا کی سرینا ولیم نے بلاروس کی وکٹوریا ازارنکا کو شکست دے کر روم اوپن کا فائنل جیت لیا ہے۔

آج کھیلے گئے فائنل میں ٹاپ سیڈ سرینا ولیم نے کھیل کے دوران کسی بھی موقع پر وکٹوریا ازارنکا کو سنبھلنے نہیں دیا اور 1-6 اور 3-6 کے اسکور سے شکست دے کر اپنے کیریئر کا 51 واں ٹائٹل جیت لیا۔

گزشتہ روز کھیلے گئے سیمی فائنل میں ازارنکا نے میزبان ملک کی سارا ایرانی کو 0-6 اور 5-7 سے شکست دی کر فائنل میں جگہ بنائی تھی۔

واضح رہے کہ رواں سال دوہا اوپن میں وکٹوریا ازارنکا نے امریکن حریف سرینا ولیم کو شکست دی تھی جس کے بعد سے دونوں کھلاڑی پہلی دفعہ آمنے سامنے تھیں۔