سری دیوی کی سالگرہ پرجھانوی نے ماں کی یادیں تازہ کردیں

سری دیوی ایک لیجنڈ اداکارہ تھیں جو ہر دم ہر پل ساتھ رہتی ہیں،بونی کپور ۔فوٹو: فائل

---

بالی ووڈ کی آنجہانی اداکارہ سری دیوی کی 55 ویں سال گرہ کے موقع پر بیٹی جھانوی کپور نے ماں کی یادیں تازہ کردیں۔

بالی ووڈ پر راج کرنے والی آنجہانی اداکارہ سری دیوی نے اپنے فنی کیریئر میں کئی مشہور فلمیں کیں اور بہترین اداکاری کی بدولت کئی ایواڈز اپنے نام کئے جب کہ انڈسٹری میں وہ مقام بنایا کہ فلم انڈسٹری میں اُن کا کوئی ثانی نظر نہیں آتا، آج ان کی 55 ویں سالگرہ پران کے مداح، فنکاراور گھروالے انہیں یاد کرکے افسردہ دکھائی دیئے۔

اس موقع پر سری دیوی کی بیٹی جھانوی کپور نے انسٹا گرام پر بچپن کی تصویر شیئر کرائی جس میں وہ سری دیوی کی گود میں ہیں اور پیچھے والد بونی کپور بھی خوشگوار موڈ میں نظر آرہے ہیں۔

[instagram-post url="https://www.instagram.com/p/BmY_9-BBful/"]

بونی کپور کا اپنی اہلیہ سری دیوی کی سالگرہ پر انہیں یاد کرتے ہوئے کہنا تھا کہ دنیا میں دو طرح کے فنکار ہیں ان میں سے ایک اداکاراوردوسرا لیجنڈ ہوتا ہے لیکن دونوں میں فرق یہ ہے کہ اداکار کو یاد رکھنا پڑتا ہے جب کہ لیجنڈ ہمیشہ یاد رہتے ہیں اور وہ کبھی نہیں مرتے، سری دیوی ایک لیجنڈ اداکارہ تھیں جو ہر دم ہر پل ساتھ رہتی ہیں۔

A true star that shone brightly on-screen & lit up the lives of everyone she touched. Not a day goes by when we don’t miss you Sri. We see your reflection in #JanhviKapoor & #KhushiKapoor everyday. You live on in our hearts & minds... pic.twitter.com/VD9Bx3jAnw

— Anil Kapoor (@AnilKapoor) August 13, 2018

انیل کپور کا بھی اپنی بھابھی کی سالگرہ پرکہنا تھا کہ سری دیوی ایک ستارہ تھیں جس نے نہ صرف اسکرین کو روشن کیا بلکہ جسے بھی چھوا اس کی زندگی روشن بنادی۔ کوئی بھی دن ایسا نہیں گزرتا جب ہم آپ کو یاد نہ کرتے ہوں، ہم جھانوی اور خوشی میں آپ کا عکس ہر روز دیکھتے ہیں۔