تحریک انصاف کے کارکنوں نے ایم کیو ایم کے سربراہ الطاف حسین کے خلاف برطانوی وزیراعظم ڈیوڈ کیمرون کی رہائش گاہ 10 ڈائوننگ اسٹریٹ کے باہر مظاہرہ کیا اور شدید نعرے بازی کی۔

مظاہرین کی تعداد ایک ہزار سے زائد تھی۔مظاہرین نے کہا کہ برطانوی سرزمین پر بیٹھ کر کوئی شخص کس طرح کسی کے متعلق توہین آمیز بیانات دے سکتا ہے۔انھوں نے برطانوی حکومت سے انصاف کی اپیل بھی کی۔دریں اثنا برطانوی وزیراعظم نے پی ٹی آئی کے مظاہرے کا نوٹس لے لیا،وہ مظاہرے کے دوران گھر سے باہر نکلے اور 5 منٹ تک مظاہرین کو دیکھتے رہے۔