ٹاس جیت چکے امید ہے میچ اچھا ہوگا عمران خان

پچ بھی اچھی نظر آرہی ہے، پارلیمنٹ ہائوس میں گفتگو۔ فوٹو:فائل

---

تحریک انصاف کے چیئرمین عمران خان نے اچھے کی امید ظاہر کرتے ہوئے کہا ہے کہ ٹاس ہم جیت چکے ہیں توقع کرتے ہیں میچ اچھا ہوگا۔

عمران خان نے بدھ کو پارلیمنٹ ہائوس آمد کے موقع پر صحافیوں سے غیررسمی گفتگو میں کہا کہ ٹاس تو تحریک انصاف کی ٹیم پہلے ہی جیت چکی ہے اور پچ بھی اچھی نظر آرہی ہے، اب اچھے کی امید کر رہے ہیں کہ میچ اچھا اور دلچسپ ہوگا۔

نمائندہ ایکسپریس کے مطابق نامزد وزیراعظم عمران خان نے کابل میں دہشت گرد حملے کی شدید مذمت کرتے ہوئے قیمتی جانوں کے ضیاع پر گہرے رنج اور دکھ کا اظہارکیا ہے۔ اپنے ایک پیغام میں عمران خان نے افغان حکومت اور عوام کیساتھ دلی ہمدردی اور تعزیت کا اظہارکیا اور زخمیوں کی جلد شفایابی کیلیے دعا کی۔

خبر ایجنسی کے مطابق عمران خان 9گاڑیوں کے قافلے کے ساتھ بنی گالہ سے پارلیمنٹ ہائوس روانہ ہوئے جس میں سیکیورٹی اہلکاروں سمیت ٹریفک پولیس اور ذاتی لینڈکروزر شامل تھیں۔