پشاور سوات چترال اور مختلف شمالی علاقوں میں زلزلے کے جھٹکے

زلزلہ 208 کلومیٹر زیر زمین پیش آیا جس کے جھٹکے مینگورہ، شانگلہ، بشام، مالاکنڈ، دیر اور بونیر میں بھی محسوس کئے گئے۔ فوٹو: فائل

---

پشاور، سوات، چترال اور مختلف شمالی علاقوں میں زلزلے کے جھٹکے محسوس کئے گئے تاہم خوش قسمتی سے کوئی جانی نقصان نہیں ہوا۔

ایکسپریس نیوز کے مطابق ریکٹر اسکیل پر زلزلے کی شدت 5 اعشاریہ ایک ریکارڈ کی گئی جس کا مرکز کوہ ہندوکش کا پہاڑی سلسلہ تھا۔ زلزلہ 208 کلومیٹر زیر زمین پیش آیا جس کے جھٹکے مینگورہ، شانگلہ، بشام، مالاکنڈ، دیر اور بونیر میں بھی محسوس کئے گئے، لوگ خوف زدہ ہوکر اپنے گھروں سے باہر نکل آئے اور کلمہ طیبہ کا ورد کرتے رہے تاہم خوش قسمتی سے کوئی جانی نقصان نہیں ہوا۔