جنوبی وزیرستان بارودی مواد پھٹنے سے ایک سیکیورٹی اہلکارجاں بحق 5 زخمی

سیکورٹی فورسز نے علاقے میں سرچ آپریشن کر کے ایک مشتبہ شخص کو بھی گرفتار کر لیا۔. فوٹو: فائل

---

درگئی میں بارودی مواد پھٹنےسے ایک سیکیورٹی اہلکارجاں بحق جبکہ 5 زخمی ہوگئے۔

جنوبی وزیرستان کی تحصیل سوا کے علاقے درگئی میں سرکاری اہلکاروں کی ٹیم بجلی کے ٹاور کا معائنہ کرنے گئی تھی کہ اچانک ٹاور کے قریب بارودی مواد پھٹنے سے دھماکا ہو گیا جس کے نتیجے میں سیکورٹی پر مامور 6 اہلکار زخمی ہو گئے، ریسکیو ٹیموں نے زخمیوں کو اسپتال منتقل کردیا جہاں ایک زخمی نے دم توڑ دیا، دھماکے سے بجلی کا ٹاور بھی تباہ ہو گیا جبکہ معائنہ ٹیم کے اہلکار محفوظ رہے، سیکورٹی فورسز نے علاقے میں سرچ آپریشن کر کے ایک مشتبہ شخص کو بھی گرفتار کر لیا۔