اکشے اور سوناکشی کی عمروں میں 20 برس کا فرق

شاہ رخ کی دپیکا کیساتھ پہلی فلم ’’ اوم شانتی اوم ‘‘کے وقت عمروں میں 21سال کا فرق تھا فوٹو آئی اے این ایس

---

بالی وڈ اسٹاراکشے کمار 1967 میں پیدا ہوئے اور سوناکشی کی تاریخ پیدائش 1987 ہے۔ یعنی دونوں کی عمروں میں ایک دو نہیں پورے 20برس کا فرق ہے لیکن دونوں کی حالیہ فلم راوڈی راٹھور دیکھئے تو دونوں کی آن اسکرین کیمسٹری ملتی نظر آئے گی۔

انھی سے ملتی جھلتی مثال سلمان خان اور سوناکشی سنہاکی ہے۔سوناکشی نے کی تھی سلمان خان کے ساتھ اپنی پہلی فلم دبنگ سن 2010 میں ۔ وہ خود تو سلمان سے بہت سال چھوٹی ہیں لیکن سلمان خان 40کا ہندسہ عبور کرچکے ہیں مگر ۔۔۔سوناکشی کو دیکھ کر تیرے مست مست دو نین ، میرے دل کا لے گئے چین ۔۔گانا نہیں بھولے ۔

کیا کریں سب چلتا ہے ۔اکشے کمار اور کترینہ کیف کی عمروں میں 17سال کافرق ہے لیکن ان دونوں کی جوڑی کیا کامیاب ہوئی سنگھ از کنگ نے بھی کامیابی کے جھنڈے گاڑ دیے۔ یہی معاملہ دپیکا پڈکون کے ساتھ بھی ہے۔ اکشے اور دپیکا میں ہے پورے 19ورشوں کا انترلیکن دونو ں کی فلم چاندنی چوک ٹو چائنا دیکھئے تو لگتا ہے دونوں ابھی تک بالی عمرسے نہیں نکلے ہیں۔

عامر خان اور آسین کی عمر یں بھی میچ نہیں کھاتیں۔ دونوں میں 20 کا فرق ہے لیکن دونو ں نے گجنی میں کیا خوب نبھایا ہے اپنا اپنا رول۔سینیئر آرٹسٹ بگ بی کی بات کریں تو ۔امیتابھ نے اپنی جوانی میں ہم عمر ہیروئنز کے ساتھ جو رومانس کیا سو کیا لیکن جب وہ فلم نی شبھ میں انتہائی کم عمر جیا خان سے رومانس کررہے تو ان دونوں کی عمر میں 46سال کافرق تھا۔

مگر کیا کریں سب چلتا ہے کیوں کہ یہ اسکرپٹ کی ڈیمانڈ تھی۔دپیکا پڈکون نے شاہ رخ خان کے ساتھ پہلی فلم کی تھی اوم شانتی اوم اور اس وقت دونوں کی عمر میں 21سال کا فرق تھا۔