ننگرپارکر کی گرم رات عام چارپائی پر نیند عمران خان کی 21 سالہ پرانی تصویر وائرل

عمران خان 1997میں تھرپارکر کے دورے کے موقع پر ننگرپارکر کے ایک مکان کے صحن میں عام چارپائی پر سوئے ہوئے نظر آرہے ہیں۔ فوٹو: ٹوئٹر

---

نامزد صدر مملکت ڈاکٹر عارف علوی نے 21 سال قبل عمران خان کی چارپائی پر سوتے ہوئے تصویر شیئر کی ہے۔

سماجی رابطوں کی ویب سائٹ ٹوئٹر پر شیئر کی گئی تصویر میں عمران خان 1997 میں تھرپارکر کے دورے کے موقع پر ننگرپارکر کے ایک مکان کے صحن میں عام چارپائی پر سوئے ہوئے نظر آرہے ہیں۔

ڈاکٹر عارف علوی کا اس حوالے سے کہنا تھا کہ میں نے یہ تصویر 21 سال قبل بنائی۔ انھوں نے لکھا ہے کہ سفر طویل اور دشوار گزار تھا لیکن عمران خان کے جذبے کے آگے کوئی رکاوٹ نہیں ہوتی اور یہ بات پورا پاکستان جانتا ہے۔