بلوچستان میں عید الاضحیٰ کے تیسرے دن بھی چھٹی کا اعلان

24 اگست کو بلوچستان بھر میں صوبائی حکومت کے ماتحت محکمے اور تعلیمی ادارے بند ہوں گے فوٹو: فائل

---

بلوچستان حکومت نے عید الاضحیٰ کے تیسرے دن کی وجہ سے 24 اگست کو بھی عام تعطیل کا اعلان کردیا ہے۔

بلوچستان حکومت کی جانب سے جاری کردہ نوٹی فکیشن کے مطابق 24 اگست کو بھی عام تعطیل ہوگی، یہ تعطیل عید الاضحیٰ کے تیسرے دن کی وجہ سے دی گئی ہے۔ اس روز بھی صوبے کے ماتحت محکمے اور تعلیمی ادارے بند رہیں گے۔

واضح رہے کہ وفاقی حکومت نے 21 سے 23 اگست تک عید الاضحیٰ کی چھٹیوں کا اعلان کیا ہے۔