آرمی چیف جنرل قمرجاوید باجوہ کی سعودی ولی عہد سے ملاقات

سعودی ولی عہدنےجنرل قمرجاویدباجوہ کوحج کی ادائیگی پرمبارکبادپیش کی،آئی ایس پی آر

---

آرمی چیف جنرل قمرجاوید باجوہ نے سعودی ولی عہد شہزادہ محمد بن سلمان سے منیٰ میں ملاقات کی ہے۔

ڈی جی آئی ایس پی آر کے مطابق سعودی ولی عہد شہزادہ محمد بن سلمان نے گزشتہ رات منیٰ میں جنرل قمر جاوید باجوہ کے اعزاز میں عشائیہ دیا، جس کے بعد دونوں شخصیات کے درمیان ملاقات ہوئی جس میں علاقائی سلامتی اور باہمی دلچسپی کے امور پر تبادلہ خیال کیا گیا، اس موقع پر سعودی ولی عہد نے سربراہ پاک فوج کو حج کی ادائیگی پر مبارک باد پیش کی۔

Prince Mohammad Bin Salman expressed his strong optimism about success of Pakistan in defeating challenges at hand. Crown Prince also expressed his best wishes & support to the newly elected government.
COAS thanked his highness for best wishes and support for Pakistan (2 of 2).

— DG ISPR (@OfficialDGISPR) August 22, 2018

ملاقات کے دوران سعودی ولی عہد محمد بن سلمان نے پاکستان کی نئی حکومت کے لیے نیک خواہشات کا اظہار کیا، ولی عہد نے اس خواہش کا اظہار بھی کیا کہ پاکستان درپیش چیلنجز سے نمٹنے میں کامیاب ہوجائے، آرمی چیف نے پاکستان کے لیے نیک خواہشات کے اظہار اور حمایت پر شہزادہ محمد بن سلمان کا شکریہ ادا کیا۔

واضح رہے کہ سربراہ پاک فوج جنرل قمر جاوید باجوہ فریضہ حج کی ادائیگی کے لیے منیٰ میں ہیں۔