ڈی جی آئی ایس پی آر کا طالبعلم احمد نواز کو خراج تحسین

احمد نواز نے برطانیہ کے GCSE امتحان میں شاندار کارکردگی کا مظاہرہ کرتے ہوئے 8 اے حاصل کرکے پاکستان کا نام روشن کیا ہے۔ فوٹو: فائل

---

ISLAMABAD: آرمی پبلک اسکول سے تعلق رکھنے والے طالب علم احمد نواز کی برطانیہ شاندار تعلیمی کارکردگی پر ڈی جی آئی ایس پی آر نے انہیں خراج تحسین پیش کیا ہے۔

ایکسپریس نیوز کے مطابق آرمی پبلک اسکول کے طالب علم احمد نواز نے برطانیہ کے GCSE امتحان میں شاندار کارکردگی کا مظاہرہ کرتے ہوئے 8 اے حاصل کرکے پاکستان کا نام روشن کیا ہے جس پر فوج کی طرف سے ان کے لیے ستائشی کلمات ادا کیے گئے ہیں۔

Congrats and well done dear @Ahmadnawazaps. You made us all proud and defeated evil forces through your courage, determination and power of education. Good luck for your future pursuits. Stay blessed. https://t.co/p2Ar0hkeg6

— DG ISPR (@OfficialDGISPR) August 23, 2018

ڈی جی آئی ایس پی آر میجر جنرل آصف غفور نے اپنے ٹوئٹ میں انہیں خراج تحسین پیش کرتے ہوئے کہا ہے کہ احمد نواز نے اپنے حوصلے، عزم اور تعلیم کی طاقت سے برائی کی قوتوں کو شکست دی، آپ نے ہمارا سر فخر سے بلند کر دیا، گڈ لک احمد نواز، آپ مستقبل میں بھی ایسی کامیابیاں سمیٹتے رہو۔

واضح رہے کہ سانحہ آرمی پبلک اسکول میں احمد نواز زخمی ہوئے تھے جب کہ احمد نواز کا بھائی شہید ہوگیا تھا۔