ڈسکہ میں کار درخت سے ٹکرا گئی 4 دوست جاں بحق

جاں بحق چاروں دوستوں کا تعلق گوجرانوالہ سے ہے اور ان کی عمریں 20 سے 22 سال کے درمیان ہیں۔ فوٹو: فائل

---

لاہور: پنجاب کے علاقے ڈسکہ میں تیز رفتار کار درخت سے ٹکرانے کے سبب 4 دوست جاں بحق اور 2 زخمی ہوگئے۔

ایکسپریس نیوز کے مطابق ڈسکہ موڑ سے گزرنے والی ایک گاڑی حادثے کا شکار ہوگئی، کار تیز رفتاری کے باعث ڈرائیور سے بے قابو ہوکر ایک درخت سے ٹکرائی جس کے باعث اس میں بیٹھے 4 دوست جاں بحق اور 2 زخمی ہوگئے۔

جاں بحق ہونے والے چاروں دوستوں کا تعلق گوجرانوالہ سے ہے اور ان کی عمریں 20 سے 22 سال کے درمیان ہیں، جن میں حسن، معظم، حسن اور شاہ زیب شامل ہیں۔ اطلاعات ہیں کہ تمام دوست سیالکوٹ سے پکنک منا کر واپس جارہے تھے۔