اے این پی کا سینیٹ میں اپوزیشن نشستوں پر بیٹھنے کا حتمی فیصلہ

انتخابات کے بعدکی صورتحال میں عوامی نیشنل پارٹی سینیٹ میں بھی اپوزیشن کاکردار ادا کریگی، ذرائع۔ فوٹو: فائل

---

عوامی نیشنل پارٹی نے سینیٹ میں اپوزیشن کی نشستوں پربیٹھنے کا حتمی فیصلہ کرلیا ہے اوراس ضمن میں آج جمعرات کوباقاعدہ چیئرمین سینیٹ کو درخواست دی جائے گی۔

اے این پی کے ذرائع نے بتایاکہ عام انتخابات کے بعد پیدا ہونے والی صورتحال میں اے این پی نے وفاق اور خیبر پختونخوا میں اپوزیشن کاکرداراداکرنے کا فیصلہ کیا ہے اورسینیٹ میں بھی وہ اپوزیشن کا ہی کرداراداکرے گی۔



ذرائع نے بتایاکہ اس مقصدکیلیے چیئرمین سینیٹ نیئرحسین بخاری کو درخواست دی جارہی ہے اورتوقع ہے کہ وہ جلد اے این پی کو اپوزیشن بینچوں پر نشستیں الاٹ کردینگے۔