شکیل آفریدی کو اڈیالہ سے ساہیوال جیل منتقل کردیا گیا

ایبٹ آباد آپریشن کے مرکزی کردار شکیل آفریدی کو اڈیالہ سے ساہیوال جیل منتقل کر دیا گیا۔

ذرائع کے مطابق اسامہ بن لادن کے خلاف ہونے والے ایبٹ آباد آپریشن کے مرکزی کردار ڈاکٹر شکیل آفریدی کو سیکورٹی وجوہات کے باعث اتوار کی صبح اڈیالہ سے ساہیوال جیل منتقل کردیا گیا، اس موقع پر سیکورٹی کے انتہائی سخت انتظامات کیے گئے تھے۔


یہ بھی پڑھیں: حسین حقانی کے بدلے شکیل آفریدی کی ڈیل کا امکان مسترد

شکیل آفریدی پر امریکی سی آئی اے کی معاونت اور اسامہ بن لادن کی مخبری کا الزام ہے ۔ دہشتگردوں سے تعلقات کے جرم میں عدالت نے انہیں 33 سال قید کی سزاسنا رکھی ہے۔

شکیل آفریدی پہلے پشاور جیل میں قید تھے تاہم سیکورٹی وجوہات کی بنا پرانہیں اڈیالہ جیل منتقل کیا گیا تھا۔