بالی ووڈ کو دبنگ انداز دینے والے سلومیاں کا 30 سالہ فنی سفر

سلمان خان اپنے 30 سالہ فنی کیریئر میں 103 فلمیں کرچکے ہیں۔ فوٹو: فائل

---

RIYADH: سلمان خان نے بالی ووڈ میں 30 سالہ فنی سفر مکمل کرلیا ہے جب کہ اس دوران انہوں نے فلموں میں ایسے ایسے لازوال کردار ادا کیے جو امر ہوگئے۔

بالی ووڈ فلم نگری میں دبنگ خان اور سلطان کے نام سے پہچانے جانے والے سلمان خان کا شمار انڈسٹری کی نامور شخصیات میں ہوتا ہے جنہوں نے اپنے فنی کیریئر میں بہت سی مشہور فلمیں کیں۔

سلومیاں فلم انڈسٹری میں ایسے ہیرے کی مانند ہیں جسے کوئی چھوتا ہے تو وہ خود بھی شہرت کی بلندیوں پر پہنچ جاتا ہے جس کی مثال کترینہ کیف، سوناکشی سنہا اور زرین خان جیسی اداکارائیں ہیں۔

سلمان خان نے فلم انڈسٹری میں 1988 میں ریلیز ہونے والی فلم ''بیوی ہو تو ایسی'' سے ڈیبیو کیا لیکن اُن کی اصل شہرت کی وجہ ڈیبیو فلم کے اگلے ہی سال ریلیز ہونے والی فلم ''میں نے پیار کیا'' بنی جس نے سلمان خان کے لئے فلم نگری میں کامیابی کی راہ ہموار کردی۔



سلمان خان اپنے 30 سالہ فنی کیریئر میں 103 فلمیں کرچکے ہیں اوران میں انہوں نے ایسے ایسے کردار اداکیے جو امرہوگئے جب کہ اُن کا فلموں میں اپنایا گیا انداز بھی نوجوان نسل میں بہت مقبول ہوا۔

سلومیاں کی مشہور فلموں میں انداز اپنا اپنا، ہم آپ کے ہیں کون، جڑواں، ہم دل دے چکے صنم،تیرے نام، وانٹڈ، دبنگ ،باڈی گارڈ،بجرنگی بھائی جان اورٹائیگر زندہ ہے شامل ہیں۔

Kuch Rishte Zameen se hote hai, Aur kuch Khoon se.. Mere Paas Dono Thee ! कुछ रिश्ते ज़मीन से होते है, और कुछ खून से.. मेरे पास दोनो थे !@Bharat_TheFilm @aliabbaszafar @atulreellife #KatrinaKaif #Tabu @DishPatani @WhoSunilGrover @norafatehi @nikhilnamit @reellifeprodn @tseries pic.twitter.com/myeyEpWdPx

— Salman Khan (@BeingSalmanKhan) August 15, 2018

واضح رہے کہ سلمان خان ان دنوں علی عباس ظفر کی ہدایت کاری میں بننے والی فلم 'بھارت ' کی شوٹنگ میں مصروف ہیں جس میں اُن کے ہمراہ کترینہ کیف مرکزی کرداراداکررہی ہیں، فلم 2019ء میں عید کے موقع پر سنیما گھروں کی زینت بنے گی۔